رساله من محمد علاء مبارك منشوره كتعليق علي صفحات الأهرام

لقد بكيت عندما قرأت هذه الرسالة ... أنشروها فهي تستحق وذكّر فإن الذكري تنفع المؤمنين
رساله من محمد علاء مبارك منشوره كتعليق علي صفحات الأهرام اليوم
رساله من محمد علاء مبارك الى أمه و جده حسنى مبارك ازيك يامامي وحشتيني قوي انتي وبابي واخويا ال...صغير وجدو وتيته وعمو جمال وكل اصحابي . مصر كلها وحشتني يامامي يوم 25 يناير صحابي في الجنه نادولي وقالولي تعالي بسرعه يامحمد في ناس من بلدك دخلو الجنه قولتلهم مصريين! قالو ايوه دول شهداء كمان يامحمد... جريت بسرعه معاهم اشوف الشهداء اللي من بلدي واسلم عليهم وافتخر بيهم وكل يوم بيجي شهداء تانيين ولما كثرو قوي يامامي وذادوا ووصلوا اكتر من 300 شهيد قلت لصحابي وانا فرحان عارفين دا اكيد جدو بيقود مصر في حرب تانيه علي اسرائيل او اعدء تانيين روحت يامامي وقعدت معاهم علشان يحكولي عن جدو القائد واللي بيعمله واسمع بطولاتهم ولما سألتهم هي مصر بتحارب مين وانتو استشهدتواازاي وفين ؟؟؟؟ وجدو كرمكم قبل ماتيجوا الجنه !!! بصوا لبعض ومحدش رد !!! سألت تاني ردوا عليا مين قتلكوا ؟؟؟؟؟ واتقتلتوا برصاص اسرائيل ولا مين ؟؟؟؟؟ وجدو عمل ايه في اللي قتلكوا! ولما بكيت لاول مره لان الجنه مافيهاش حزين قالولي لا مش اسرائيل ده رصاص مصري يامحمد حراس جدك يامحمد هما اللي قتلونا لقتني مش فاهم حاجه صرخت وقلت مش عاوز اسمع حاجه وجريت ورحت قعدت لوحدي لكن الشهداء جم وقالولي متبكيش يامحمد انت ملكش ذنب وخدوني في حضنهم وطبطبوا عليا حسيت بدفا حضنك يامامي وهما بيضموني في صدرهم رفعت راسي وقلتلهم انتو طيبين قوي.... قالولي مش احنا بس اللي طيبين ده كل المصرين طيبين يامامي انا مش هاسأل حصل ايه ولا عاوز اسمع حاجه لكن قولي لجدو انا مش أغلي من اي واحد منهم عند ممتو وزي ماحسيتي يوم ما انا مت اوصفيله كل ام حاسه بأيه دلوقت وقوليله انتي لاني انا مخاصمه.... ازاي هان عليّه كل الناس دي ومعملش حاجه للّي قتلهم قوليله لازم يبرد قلوب الامهات والابهات دا الابن غالي وانتي عارفه يامامي ويابابي قولو لجدو انه خلاص مبقاش ينفع يبقي رئيسها بعد اللي حصل جدو لازم يرتاح في بيته ويسيب مصر لولادها هما اولي بيها وانا هادعيله ربنا يغفرله وقبل ما اخلص كلام يامامي اهم حاجه والكلام ده لبابي وعمو جمال وجدو قبل ماتسيبوها لولادها يديروها اوعي يكون يابابي في مالك انت وعمو جمال وجدو حق لمصر وللمصرين وخدته اوعو يابابي.... انا بحبكو ومقدرش اشوفكوا شايلين ذنب زي ده اوعوا يابابي مال الشعب الطيب الغلبان الشقيان تاخدوه معاكوا تصرفوا وتعيشوا منه بقيت حياتكوا . اوعي يابابي اخويا الصغير ياكل ويعيش ويتربي بمال مش من حقه وفيه مصرين كتير مش لاقيين . ساعتها تبقي كتبت عليا افارق اخويا دنيا واخره لانه لازم يتربي بمال حلال عشان اقابله في الجنه واقول لجدو وتيته وعمو جمال وطنط خديجه ان الجنه حلوه قوي احلي من اي حاجه ولا اي مليارات مش حلال تستاهل يضحوا بالجنه عشانها دا ربنا بيسأل عن كل جنيه كسبته ازاي وصرفته في ايه والسلام عليكم ياعيلتي اللي بحبها والسلام تحيه اهل الجنه فتوى للشيخ ابن عثيمين أنّ هذه التصوُّرات الَّتي تصوغها بصيغه قصص؛إنْ كان فيها إعانه على الخير، ومصلحه النَّاس؛ فإنَّها جائزه بشرط أنْ تصوغَها صيغه التَّمثيل فإنْ كانَ ما تُريده إصلاحًا دنيويًّا، ومنفعه دنيويَّه؛ فلا حَرَج؛ لأنَّ الدُّنيا لا بأسَ أنْ تُكتَسَبَ للدُّنيا .مشاهدة المزيد